Þriðja Northern Wave Kvikmyndahátíðin fer fram helgina 5.-7. mars 2010 í Grundarfirðii. Hugmyndafræðin á bakvið nafnið og hátíðina í heild sinni er byggð á Nýbylgjustefnunni (Nouvelle Vague eða New Wave). Með hátíðinni viljum við enduheimta viðurkenningu á kvikmyndagerðinni sem listgrein og kvikmyndagerðarmönnum sem listamönnum. Markmið hátíðarinnar er einnig að koma af stað tengslaneti meðal íslensks og erlends kvikmyndagerðafólks sem að er að byrja að koma sér áfram og þeirra sem meiri reynslu hafa. Hátíðin er skipulögð af hugsjón þar sem sérstaklega vel er tekið á móti listrænum myndum eftir kvikmyndagerðarfólk sem að þorir að taka áhættur.

Hátíðinni er skipt í tvo flokka stuttmynda og tónlistarmyndbanda en engin alþjóðleg kvikmyndahátíð á Íslandi hefur hleypt að tónlistarmynböndum hingað til. Með tónlistarmyndböndunum verða hljómsveitir hvattar til að koma og styðja við bakið á sínu myndbandi með tónleikum á meðan á hátíðinni stendur. Þetta er gert til þess að tónlistarfólk komist í tengls við kvikmyndagerðamenn og öfugt uppá framtíðarsamstarf.

Eitt af aðalmarkmiðum hátíðarinnar er að gera hana að árlegum viðburði sem kemur til með að skapa atvinnu, auka ferðamannastrauminn og lýsa upp sólarleysið á veturnar.