9. NW hátíðin á enda

9. Alþjóðlegu kvikmyndahátíðinni Northern Wave lauk um helgina.  Hátíðin vill þakka bæjarbúum og fyrirtækjum sem studdu hátíðina kærlega fyrir hlýjar móttökur í Snæfellsbæ.
Með stuðningi fyrirtækja á svæðinu náði hátíðin í samstarfi við Frystiklefann, að setja upp hágæða kvikmyndahús sem verður áfram í Frystiklefanum og verður nýtt áfram fyrir kvikmynda- og leikhússýningar.

Einstök og persónuleg stemning myndaðist á hátíðinni meðal bæjarbúa, fjölskyldufólks og erlendra gesta hátíðarinnar. Samstarf hátíðarinnar og Frystiklefans mun halda áfram á næsta ári þegar að hátíðin fagnar 10 ára afmæli.

Auk stuttmyndamaraþons og tónlistarmyndbanda var einnig fiskiréttakeppni, tónleikar og sérstök dagskrá fyrir börn, sem var vel heppnuð nýbreytni.

14692075_965943823506610_3749126918744096626_o

Börn og fullorðnir fóru sátt frá hátíðinni en talið er að gestir hátíðarinnar hafi verið á bilinu 150-200 manns þegar mest var en um 30 manna hópur kom erlendis frá til að vera viðstaddir hátíðina og fylgja sínum myndum eftir.

14725615_965154346918891_2524664864859669044_nAnna Þóra í Kaffi Rifi var með “pop up” veitingarstað í Frystiklefanum í hádeginu á laugardeginum og uppskar fjölmennan afmælissöng en hún átti einmitt afmæli þá.

14753711_966717743429218_7584729717978014150_o
Stuttmyndin Ungar eftir Nönnu Kristínu Magnúsdóttur var valin besta íslenska stuttmynd hátíðarinnar en einnig voru veitt verðlaun fyrir bestu alþjóðlegu stuttmyndina en þau hlaut myndin „As vacas de Wisconsin“ eftir Söru Traba.
Myndband Loga Hilmarssonar við lagið Playdough VR 360° fyrir Cryptochrome var valið besta tónlistarmyndbandið.
14608951_965460286888297_5609040105806693161_oVerðlaunahafar í fiskréttakeppninni voru þau Sigurborg Björnsdóttir sem hafnaði í þriðja sæti og vann 5kg af saltfiski frá Kg Fiskverkun. Ester Gunnarsdóttir sem lenti í öðru sæti og vann gjafabréf fyrir tvo á Fisk- eða Grillmarkaðinn. Viðar Gylfason var í fyrsta sæti með þorsk í raspi með piparostasósu og vann dekurgjafabréf á Hótel Búðir.
Dögg Mósesdóttir stofnandi og stjórnandi Northern Wave heldur nú til Tékkland þar sem hún mun kynna hátíðina og sitja í pallborði  á alþjóðlegri heimildarmyndahátíð í borginni Jihlava.
Hátíðin þakkar Snæfellsbæ fyrir frábærar móttökur og vonast til að sjá ennþá fleiri á næsta ári.


14527384_10157475723900257_144010876_n

Hreyfimyndanámskeið Northern Wave



Nýjustu fréttir

Nú nálgast hátíðin óðfluga og dagskráin farin að taka á sig endanlega mynd. Hér er það helsta:

Nýtt sýningartjald vígt
Hátíðinni hefur verið tekið svakalega vel í Snæfellsbæ og með hjálp fyrirtækja á svæðinu hefur hátíðin náð að fjárfesta í stóru sýningartjaldi sem mun vera áfram í Frystiklefanum. Það er greinilegt að fyrirtækjum og bæjaryfirvöld í Snæfellsbæ sjá verðmætin sem liggja í menningarstarfsemi og vilja sýna það í verki sem er ómetanlegur stuðningur við hátíð sem þessa.
Ilmur Kristjánsdóttir (Hinrika) Réalisateur : Baldvin Zophoníasson

Ilmur Kristjánsdóttir (Hinrika) í Ófærð

Heiðursgestur
Heiðursgestur hátíðarinnar verður leikkonan Ilmur Kristjánsdóttir sem ætti að vera öllum íslendingum góðkunnug en erlendir gestir hátíðarinnar ættu að kannast við hana úr þáttaröðinni Ófærð. Ilmur mun sitja fyrir svörum á hátíðinni og ræða sína reynslu af kvikmyndagerð, sem leikkona en líka sem handritshöfundur.
fad0ce0f3ebe593d53e681f7a1da43e1

Hljómsveitin Chryptochrome

Tónlistaratriði

Nokkrir tónlistarmenn munu spila á hátíðinni og fylgja þannig eftir tónlistarmyndböndum sínum en nú þegar
hefur Védís Hervör, Futuregrapher, Chryptochrome og Bláskjár staðfest að þau munu spila á hátíðinni.

Bíósýningar, tónleikar, fiskiréttakeppni
1340643c64c14457Fyrir utan metnaðarfulla sýningu á yfir sextíu alþjóðlegum stuttmyndum, íslenskum tónlistarmyndböndum og stuttmyndum býður hátíðin upp á tónleika, fyrirlestur og að lokum fiskiréttasamkeppni. Fiskiréttakeppnin hefur slegið í gegn en þar fá bæjarbúar tækifæri til að flagga því góða hráefni sem framleitt er á staðnum, þ.e.a.s. Fisknum og keppa sín á milli um besta fiskiréttinn eða súpuna. Í ár langar okkur til að hvetja fólk í veitingarrekstri á svæðinu til að koma með rétt. Hrefna Rósa Sætran dæmir keppnina en í verðlaun er Dekurgjafabréf fyrir tvo á Hótel Búðir að verðmæti 53.900 og gjafabréf fyrir tvo út að borða á Fisk- eða Grillmarkaðinn.
Skráning fer fram á heimasíðu hátíðarinnar hér eða á info@northernwavefestival.com  

 

Barnaprógramm
sassc3ad-c3a9g

Þórey Mjallhvít hreyfimyndagerðarkona

Í ár hefur verið lögð mikil áhersla á að búa til skemmtilega dagskrá fyrir börn en hátíðin fer fram um vetrarfríshelgi grunnskólabarna. Boðið verður upp á sérstakar dagskrá mynda fyrir börn, hreyfimyndanámskeið en afraksturinn verður sýndur á hátíðinni og að lokum verða sýndar skrípómyndir á 8mm sýningarvél en krökkum verður boðið að prófa að þræða vélina sjálf. Hægt er að skrá börn á hreyfimyndanámskeiðið með því að senda tölvupóst á info@northernwavefestival.com eða hringja í síma 7700577. Kennari er hreyfimyndagerðarkonan Þórey Mjallhvít.

 
Við vonum að íbúar á svæðinu njóti hátíðarinnar sem og gestir hennar og bjóðum alla hjartanlega velkomna. 


Tilnefnd myndbönd

Aðstandendur Albumm.is sáum um tilnefningar íslenskra tónlistarmyndbanda til verðlauna á hátíðinni í ár. Við kynnum hér stolt þau myndbönd sem urðu fyrir valinu og keppa til verðlauna. Myndböndin verða sýnd á hátíðinni 21. október næstkomandi.

1. Opus / You again –   Kitty Von Sometime
2. Blissful / Elevate –  Einar Egils
3.Júníus Meyant / Neon Experience –  Hannes Þór Arason
4.Milkywhale / Goodbye – Magnús Leifsson
5.Cryptochrome / Hard Drive – Birgir Páll Auðunsson
6. Bláskjár / Silkirein – Marsibil Sæmundardóttir
7. Cryptochrome / Playdough VR 360 – Logi Hilmarsson
8. Védís Hervör / Grace – Dögg Mósesdóttir
9. Samaris / Wanted 2 Say – Þóra Hilmarsdóttir
10. Hafdís Huld / Wolf – Alisdair Wright
11. Futuregrapher & Jón Ólafsson / Myndir – Marteinn Þórsson
12. EinarIndra / Sometimes Im Wrong – Einar Indra
13. Pocket Disco / Rock & Roll – Emil Ásgrímsson
14. Fufanu / Sports – Fufanu
15. Sin Fang / Candyland – Ingibjörg Birgisdóttir



Hátíðin haldin í Frystiklefanum í ár

Alþjóðlega kvikmyndahátíðin Northern Wave verður haldin í 9.sinn helgina 21.-23. október næstkomandi. Hátíðin hefur hingað til verið haldin í Grundarfirði en í ár færir hátíðin sig um bæjarfélag og verður haldin í næsta bæjarfélagi, Snæfellsbæ, nánar tiltekið í Frystiklefanum á Rifi.

Grundfirðingurinn Dögg Mósesdóttir, stjórnandi Northern Wave og Sandarinn Kári Víðarsson eigandi Frystiklefans á Rifi hafa lengi stefnt að samstarfi með hátíðina, sem hefur nú ræst úr.

Í Frystiklefanum á Rifi, sem er gamalt frystihús, er rekið gistiheimili, tónleikastaður, bar og leikhús og þar er frábær aðstaða fyrir hátíð sem Northern Wave. Frystiklefinn býður upp á fjölbreytta dagskrá allt árið en þar eru þrjú sýningarrými en eitt rýmið, gamli frystiklefinn, verður t.a.m. nýttur undir sýningar á vidjóverkum. Nánar um Frystiklefann hér .

Hátíðin óskar því sérstaklega eftir vidjóverkum eftir listamenn í ár. umsóknarfrestur fyrir íslenskar stuttmyndir, tónlistarmyndbönd og vidjóverk stendur rennur út 20.ágúst næstkomandi og er sótt um hér á heimasíðunni undir íslenskar stuttmyndir.

Nóg er af gistirými fyrir gesti hátíðarinnar á Rifi, í Ólafsvík og á Hellisandi en við gerum ráð fyrir að dagskráin (sem er enn í vinnslu) verði dreift um þessi bæjarfélög í Snæfellsbæ en far að mestu leiti fram í Frystiklefanum þar sem sýningar á öllum myndum fara fram. Hátíðin sjá til þess að auðvelda gestum samgöngur á milli þeirra bæjarfélaga þar sem aðrir viðburði fara hugsanlega fram.

Við höfum fengið mjög góðar viðtökur frá Snæfellsbæ sem hefur gert okkur kleift að færa hátíðina þangað. Við vonumst til Grundfirðingar, sem og fólk af nesinu öllu, sæki hátíðina heim í Snæfellsbæ.

Enn er möguleiki á að einhverjir dagskrárliðir fari fram á Grundarfirði þar sem bæjaryfirvöld hafa mikinn áhuga á að halda samstarfi við hátíðina áfram og hátíðin ber sterkar taugar til Grundarfjarðar þar sem hátíðin hefur farið fram undanfarin 8 ár.

Við erum ánægð með þetta nýja samstarf við Frystiklefann á rifi og vonumst til þess að þetta opni á frekara menningarsamstarf meðal bæjarfélaganna á Snæfellsnesi.